露營寶寶 Camping Bobo

露營其中一個重要還節，當然係影啲靚相，呃返一千幾百個like，一班朋友自拍，少不了一支穩定嘅自拍神棍，但潮興影啲明明自拍又唔似自拍嘅藝文相，有時又遇上天朗氣清，長曝影張星空相比啲城市人葡萄下，一支腳架絕對唔少得，但若以露營輕裝黎講，腳架嘅重量實太奢侈，唔通真係要出隻自拍神腳.....

收埋隻腳先，好彩我淘寶發現呢款真正自拍神腳，原本19.5cm伸長變85cm嘅神棍，用料硬淨唔搖晃，最正手握位可變成3腳架，重量只有250g，手機、相機或gopro都啱用，而個叉電藍芽自拍制仲係裝落手柄到，一定唔會唔見啦! 試用後真心覺得唔錯，波頭雲臺影唔同角度都好方便，小小嘅三腳架都算穩定，當然唔係拎去東龍島挑戰強風啦，咁嘅尺寸同HK$160嘅價錢效果算唔錯! 露營chok爆自拍相定團體相都無難度!